Digital Newspaper of Nepal
| Monday, 24 September 2018
Subscribe Google+
Smart 4G

उज्यालो नेपाल बनाउने अभियानमा व्यस्त छु : प्रभाकर

NIC Bank, Long AD

December 25, 2016

सिन्धुली । ऊर्जामन्त्री जनार्दन शर्मा ‘प्रभाकर’ले लोडसेडिङ हटाएर अब नेपाललाई उज्यालो नेपाल बनाउने अभियानमा आफू लागिपरेको बताएका छन् । प्रेस सेन्टर नेपाल सिन्धुलीले आज आयोजना गरेको पत्रकार भेटघाट कार्यक्रममा मन्त्री प्रभाकरले अब लोडसेडिङको तालिका नबनाउने र ‘बत्ती कतिबेला आउछ’ भनेर तालिका हेर्ने दिनको अन्त्य हुन लागेको बताए । मन्त्री  प्रभाकरले ‘नेपालको पानीमा जनताको लगानी’ भए नेपाल चाँडै समृद्ध हुने बताउँदै नेपालको व्यापार घाटा, बेरोजगारी र गरिबीलगायतका समस्या नेपालको पानीको सदुपयोग गरे मात्रै समाधान हुने धारणा व्यक्त गरे । नेपालका धेरै जलाशय त्यतिकै बगेर गइरहेको भन्दै उनले लगानीको सुरक्षा गर्ने हो भने खेर गएको पानीको सदुपयोग भई नेपाल समृद्ध राष्ट्र बन्ने भएकाले यस कार्यमा लाग्न सम्बन्धित सबै पक्षसंग आग्रह गरे । मन्त्री प्रभाकरले जनताले परिर्वतनको महसुस गर्ने गरी सरकारले काम गरिरहेको चर्चा गर्दै उज्यालो नेपाल बनाउनका लागि पूर्वधार निमार्ण र ऊर्जा क्षेत्रका सङ्कट समाधानतर्फ आफू लागेकाले यसमा जनताको सहयोग पाउने बताए । सरकारले सबैको सहमतिमा संविधान संशोधनको प्रस्ताव पेस गरेको भए पनि प्रतिपक्षले सहयोग नगर्दा संविधान कार्यान्यवनमा समस्या आएको बताउँदै उनले देशको विकासका लागि प्रमुख तीन दल मिल्नुको विकल्प नभएको जिकिर गरे । मन्त्री प्रभाकरले राजनीतिक स्थिरता बिना मुलुकको विकास र परिवर्तन सम्भव नहुने भएकाले यस विषयमा दलहरु गम्भीर बन्नुपर्ने बताउँदै मुलुकमा बसोवास गर्ने सबै समुदाय र क्षेत्रको एकताले मात्र स्थिरता आउने धारणा व्यक्त गरे । खिम्ती ढल्केवर २२० केभि प्रशारण लाइनको निरीक्षण तथा ‘कोखाजोर हाइड्रो पावर’को सम्भाव्यता अध्ययनका लागि आफूले स्थलगत अवलोकन गर्ने पनि उनले बताए ।

नयाँ पत्रिका